البيت الأبيض

كلمتين ونص: حكاية خناقات ” سبوبة برزنتيشن ” .. وتفاصيل سيطرة عفيفي على صانع القرار داخل الزمالك .. وفشل خطة تيجانا لاستبدال صلاح بمؤمن ..!!

الثلاثاء 08/نوفمبر/2016 - 11:01 م
ismail-yousef-moomen-soliman-8-8-2016_139anjheihrhl1tvd7z05
ismail-yousef-moomen-soliman-8-8-2016_139anjheihrhl1tvd7z05
Tweet

08/11/2016|11:01 مساءً

هاني أبو ريدة :

هو ايه اللي باقي مسيطرتش عليه لحد دلوقتي .. ومين فاضل مخدش حته من التورته .. على فكرة يا هندسة .. لسه فيه ناس كتير محترمه والله ومش حينفع تبقى تحت طوعك … مش كل الناس زي اللي بالي بالك ..!!

أحمد شوبير :

بيقولوا ان المليون ونص اللي كانوا طالعين بشيك قبل حكاية آل الهواري رفضت تصرفهم بشيك وخدتهم كاش .. طبعا ده ذكاء بيحسدوك عليه …

مدحت شلبي:
دفاعك المستميت عن برزنتيشن … هل هو دفاع عن حق والا عن حقوق ..!!!

مؤمن سليمان:
معاك ربنا والله .. ربنا يستر عليك في الأيام اللي جايه

إسماعيل يوسف:

خطتك فشلت يا نجم .. !! الصحفيين اللي قولتلهم عايزن نمشيها محمد صلاح يمسك فضحوك .. بس الغريب والعجيب هو :” انت ليه مش عايز مؤمن يستمر ؟!”

أيمن طاهر :
يا كابتن فيه ناس مصوراك فيديو في اكثر من تمرين علشان يثبتوا انك مقضيها مشي وخسسان ومالكش علاقة بتدريب حراس المرمى ..!!

حمادة أنور :
أنت الأذكي والأخطر … في نفس الوقت ..!!

هاني زادة :
كفاية تحريض بقي .. وبلاش شغل الأطفال ده … ما هو المشكلة انه مش لاقي مخرج علشان يدافع عنك لأنه عارف كل حاجة ومكسوفلك .. طبعا بنتكلم عن الراجل الكبير اللي انت محمي منه ومن عياله … امشي عدل يحتار عدوك فيك ..!!

أحمد جلال إبراهيم:

كل شغل الانتخابات اللي انت عامله واللي بيتعمل من تحت لتحت ممكن يبوظ في لحظه واحدة … ربنا يستر ..!!

رحاب أبو رجيلة :
عيب يا كابتن يا ابن الرجولة كلها تقول اننا كمالة عدد ومالناش رأي في أي حاجة ..!! طاب ايه اللي رماك ع المر ؟

شريف منير :
طبعا انت مقضيها شمال ويمين وبحري وقبلي علشان متأكد أنك مش حتشمها تاني .

أحمد عفيفي :

** خطتك في تبويظ موضوع حلمي نجحت ولكن خطة التعاقد مع إيهاب جلال فشلت يا نجم … بس على فكرة انت حريف أوي لأنك عرفت تلعب وتسيطر على دماغ الأمير أبو الأمارة ..!!
** أخبار مايوكا ايه يا نجم .. وأيه أخبار السيارة الجديدة موديل 2016 ؟!
** الناس مستغربين جدا والله انه ازاي أصلا يطرح اسمك علشان تمسك المنظومة الإعلامية … هي ايه مقوماتك أصلا علشان تترشح لحاجة زي كدة .. هو انت تعرف تكتب خبر أصلا والا حتى معاك كارنية النقابة … سبحان الله ..!!
** صاحبك اللي بالي بالك .. أبوه بيقولوه  .. روح شوف العيل اللي انت بتصرف عليه ؟!!! يا ترى مين صاحبك ومين أبوه ؟!!


إرسل لصديق

هل توافق على رحيل شيكابالا من الزمالك ؟

هل توافق على رحيل شيكابالا من الزمالك ؟